Í 45 mínútna fyrirlestrinum, Stöndum okkur undir pressu, deili ég hagnýtum aðferðum um hvernig við getum staðið okkur sem best þegar mest á reynir og pressan er sem mest.

Hefurðu einhvern tíma velt því fyrir þér hvernig afreksíþróttafólk nær sínum besta árangri á stórmótum undir mikilli pressu? Í þessum fyrirlestri færðu tækifæri til að læra hvernig þú getur farið inn í erfiðar aðstæður með meiri stjórn, tekið betri ákvarðanir undir stressi og notað pressuna til að standa þig enn betur.

Í Stöndum okkur undir pressu deili ég þeim aðferðum sem ég þróaði á tuttugu ára ferli sem afreksíþróttakona, og rannsóknir staðfesta. Þessi fyrirlestur hentar sérstaklega vel þeim sem vilja verða betri í að takast á við pressu í stað þess að láta hana stoppa sig.

Ég býð einnig upp á tveggja tíma vinnustofu þar sem við förum dýpra með hagnýtum æfingum og teymið þitt skoðar hvernig það getur notað þessi verkfæri í raunverulegum aðstæðum þar sem pressa og álag koma við sögu.