Í 45 mínútna fyrirlestrinum Stöndum okkur undir pressu deili ég hagnýtum aðferðum til að halda fókus, komast í flæði og ná okkar bestu frammistöðu þegar mest á reynir.

Fyrir margt íþróttafólk er stærsta áskorunin ekki það sem gerist á æfingu heldur hvort það tekst að ná sama árangri í keppni þegar það skiptir mestu máli. Það er einfaldlega ekki nóg að undirbúa líkamann. Við þurfum líka að undirbúa hugann.

Þessi fyrirlestur er tækifæri til að læra af þreföldum Ólympíufara hvernig þú getur undirbúið hugann fyrir keppni svo þú getir skilað þeirri frammistöðu sem þú ert fær um og hámarkað árangur undir pressu. Ég kenni hagnýtar aðferðir sem þátttakendur geta byrjað að nota strax og látið keppnisárangur endurspegla þá vinnu sem búið er að leggja inn á æfingum.

Ég býð einnig upp á tveggja tíma vinnustofu þar sem við förum dýpra með hagnýtum æfingum og íþróttafólkið vinnur beint með þessum aðferðum.